Ég læt hérna eina mynd úr útskriftarpartýinu hennar Beggu, það er ekki hægt að segja annað en að þar hafi verið stuð!!!

Nú fer bara að styttast í jólin, maður er búinn að sækja einkunnirnar og allt. Það gekk bara svona ágætlega, reyndar féll ég í einu fagi en það er nú líklega því að kenna að ég lærði ekki neitt fyrir það en ég náði 20 einingum og er bara frekar sátt þó ég hefði viljað ná 23 einingum. Annars er ekkert mikið að gerast, maður er bara eitthvað að chilla og rónast. Reyndar var ég búinn að plana spilakvöld fyrir nokkrar vinkonur mínar en maður verður bara að bíða rólegur þangað til að þau gömlu fara út á land. Þetta er í fyrsta sinn í 2 ár sem þau eru heima heila helgi og nú eru þau búinn að vera heima 2 helgar!!! Hvað er eiginlega í gangi??? Það er nú ýmislegt sem maður verður að láta bjóða sér þegar maður býr hjá HÓTEL MÖMMU. Nei, nei þau eru nú ágæt. Annars var ég bara að fara í gegnum skóladraslið, henda einhverju og geyma eitthvað fyrir þá sem eiga áfangana eftir sem maður er búinn með. Þetta sýnir bara hvað ég er yndisleg manneskja, alltaf að hugsa um aðra. Það er auðvitað enginn sem myndi mótmæla því, er það nokkuð? Ég var eitthvað að fíflast í Beggu í gær og fyrradag og þóttist vera gaur sem hét Skúli nagli og commentaði á bloggið hennar að hún væri ástin í lífi mínu og hvort að það væri nokkuð alvarlegt sambandið hjá henni og Sindra. Begga varð að vonum ótrúlega hrædd og var að spá í að kæra þennan pervert til lögreglunnar svo að ég neyddist til að segja henni að pervertinn væri ég. Þetta var samt dálítið fyndið. Þeir sem hafa áhuga á að sjá þetta snilldarverk verða að fara á síðuna hennar og kíkja, þið getið klikkað hérna niðri.

Jæja, það er víst löngu orðið tímabært að henda inn nýrri færslu. Prófin eru loksins búinn og nú er bara verið að bíða spennt eftir að sjá hvað maður fær nú út úr þeim Mér gekk svona ágætlega í öllu, nema veit ekki alveg með íslenskuna. Það kemur allt í ljós á morgun. Það er ekkert búið að vera mikið að gerast fyrir utan þessi blessuðu próf. Ég fór reyndar í bíó í gær með Beggu og Hrenna á myndina Holiday eða eitthvað svoleiðis. Hún var bara mjög fín. Eftir það sóttum við hana Helgu og tókum smá rúnt, Begga auðvitað flippaði og fór að kalla saklausar stelpur sem gengu eftir Laugarveginum hórur og hótaði þeim með rúðusköfunni minni sem er svona 1. m. á lengd með svaka kústi. Greyið stelpurnar urðu auðvitað rosalega hræddar og hlupu í burtu eins hratt og þær gátu til að vera ekki rasskeltar með kústinum ógurlega. Það var sem sagt mjög gaman. Svo um helgina er ég að fara í afmæli til hennar Brynju babe sem verður þá tvítug. Það verður auðvitað bara ógeðslega gaman. Þá hittir maður nú eitthvað af fólkinu sem var með manni í grunnskóla eins og t.d. Evu, Hildi, Öldu og einhverja fleiri. Annars er maður nú bara búinn að vera eins og einhver geðsjúklingur hlaupandi á milli búða í þeim tilgangi að kaupa gjafir handa öllu fólkinu sínu. Ég held að ég fari örugglega með rétt mál þegar ég segi að ég er að gefa um 20 manns. Svona er þetta þegar maður er vinsæll, það er ekki alltaf auðvelt!!! Nei, nei, ég á nú hvorki meira né minna en 5 systkini, mömmu, pabba, stjúpu, stjúpa og svo eiga systur mínar eldri 2 börn á kjaft svo þetta er farið að verða helvíti mikið sem maður er að kaupa um jólin. Það er nú samt alveg þess virði!!! Ég má nú heldur ekki gleyma að segja frá því að í nótt þegar við vorum að rúnta niður Laugarveginn, þá sáum við jólasveininn og sem betur fer var hann Hreinn með myndavél svo við náðum nú að smella af honum einni mynd.

Jólasveinar mega nú skemmta sér líka, er það ekki???